Þórdís – Blogg

Ég sit hér uppí rúmi á föstudagsnóttu (klukkan er orðin 3, þið eruð semsagt að vakna) heima hjá Kristin í Flórída, hún var svo elskuleg að skutla okkur á flugvöllinn. Ég á mjög erfitt með að fara að sofa því ég er allt of spennt fyrir því að fara loksins heim. Á morgun munum við vakna snemma, skella okkur í outlet mall og svo er það bara flugvöllurinn og heim á klakann!

Ég tók síðasta prófið mitt á fimmtudaginn, en annars tók ég bara tvö próf. Mér gekk vel í báðum sem er alveg frábært, en í hinum fögunum voru það bara ritgerðir og kaflapróf. Ég hef venjulega alltaf tekið 5 lokapróf á önn þannig að þetta er bara ágætis tilbreyting.

Vinur minn Courtland náði að plata mig og Björgu með sér í jólapartý sem var í Statesboro í gær. Það var alveg rosalega gaman. Fórum á einn bar þar sem að var spiluð mikil teknó tónlist eða “evrópsk tónlist” eins og kanar vilja meina, hehe.

Hér erum við orðin sæt og fín á leið á ballið.

Ég ætla ekki að hafa þetta langt í þetta skiptið, en ég ætla að enda þetta með mynda af okkur herbergisfélugunum. Það er búið að vera furðu mikið fjör á okkur undanfarnar vikur… segi ykkur frá því þegar ég kem heim…

Erin H., Davi, Björg og Ég… mikið stuð á okkur!

Vonandi hafið þið það gott elskurnar, hlakka til að sá ykkur!

Ástarkveðjur,
Þórdís